|
The Revd. John Skinner (1721-1807) wis Piskie Clergyman it Longside fir saxty-five eers, fae 1742 tae 1807. He wis ain o the first scrievers tae publish in Doric in aa. His maist weel-kent warks bein The Monymusk Christmas Ba'ing and Tullochgorum.
PISKIE PASTOR , MAKAR AN FADDER O DORIC VARSE |
|
John Skinner wis born it Balfour in the Parish o Birse on 3 October 1721. His fadder, John Skinner, wis the Dominie. His mither deid fan he wis a wee bairn. He flittet tae Echt fan his fadder became the Dominie there. Is a loon, John gotten a bursary tae Marischal College an efterhin became the Dominie it Kemnay afore flittin tae Monymusk.
It Monymusk, Skinner scrievit a pucklie varse fit cam tae the attention o the laird, Sir Archibald Grant, fa wis fair trickit we them an lat Skinner mak eese o the rare leebrary it Hoose o Monymusk. Skinner became a Piskie an wis appyntit Tutor tae the loon o Mr Sinclair o Scalloway in Shetland. Fan in Shetland, he merriet Grace Hunter, the dother o the Piskie meenister in Scalloway. Syne they flitted back tae Meldrum far John Skinner servit his time tae git ordaint as a Piskie clergyman himsel. He wis ordaint it Peterheid in 1742 an wis instalt is Piskie meenister it Longside. Buchan hid lang bin the hairt o the Piskie Kirk. |
John an Grace bocht a craftie it Linshart in the parish o Longside. He wisna a muckle Jacobite, bit he wis ain o the Piskies tae suffer fae the restrictions pit on meenisters efter Culloden. His wee kirkie wis connacht in 1752 and he wis jylt in Aiberdeen fir sax month fir preachin in his hoose tae mair than fower fowk, fit wis illegal fir Piskies. Bit, richt throuw his bathers, syne, he wis devotit tae his profession an tae the fowk o Longside far he meenister for the rest o his days and far he wis richt weel-belovit.
His poetry wis amang the first scrievit an publisht in fit is kenable Doric. An his affa weel-kent The Monymusk Christmas Ba'ing scrievit in 1739 is syne the earliest Doric wark surviving. It spiks aboot an affa coorse gamie o fitba it Christmas in Monymusk. Hae a keek it it doon ablo.
Nae lang efter Skinner's wife Grace deid in 1799 he flitted tae his loon's in Aiberdeen (his loon, anither John, wis the Piskie Bishop o Aiberdeen an an richt weel-kent and weel-respectit chiel in the histry o the Scottish Piskie Kirk). John senior deid in his cheer, efter a fine suppie mait for his tay, we three generations o his femily aboot him in 1807, still the incumbent Piskie Meenister it Longside, far he maun hae meenister for saxty-five eers.
His poetry wis amang the first scrievit an publisht in fit is kenable Doric. An his affa weel-kent The Monymusk Christmas Ba'ing scrievit in 1739 is syne the earliest Doric wark surviving. It spiks aboot an affa coorse gamie o fitba it Christmas in Monymusk. Hae a keek it it doon ablo.
Nae lang efter Skinner's wife Grace deid in 1799 he flitted tae his loon's in Aiberdeen (his loon, anither John, wis the Piskie Bishop o Aiberdeen an an richt weel-kent and weel-respectit chiel in the histry o the Scottish Piskie Kirk). John senior deid in his cheer, efter a fine suppie mait for his tay, we three generations o his femily aboot him in 1807, still the incumbent Piskie Meenister it Longside, far he maun hae meenister for saxty-five eers.
|
MONYMUSK CHRISTMAS BA'INGAsides bein a richt fine pastor, Skinner scrievit mony varses an his freens gotten him tae publish them in the 1780s. His maist weel-kent wark is the The Monymusk Christmas Ba'ing.
|
Aul Statistic Accoont fir Monymusk spiks aboot the Christmas Baa.
|
Mony placies richt across Scotland eest tae hae Ba Games it Christmas or Hogmanay. See fit ye can fin oot aboot them and fitna placies still hiv them. | ||
TULLOCHGORUMJohn Skinner scrievit the weel-kent varse Tullochgorum. He hid been aitin his tay it the hame o Mrs Montgomery, the wife o the Exciseman in Ellon fan, efter denner, she speirt fir a sang tae pit a feenish tae a political stramash amang the fowk it her table. Fyles, she remarkit thit it wis drole fitna wye the aul Strathspey The Reel o Tullochgorum hid nae wirds. Revd Skinner obligt an the rest is histry. Ower the eers it his becam a weel-kent an muckle-loved sang. 
|
|
|
CLICK ABLO FIR SKINNER'S SoNGS & POEMS |
|
| ||
CLICK ABLO FIR SKINNER'S POETICAL PIECES |
|
DERRICK MCCLURE
|
|
|
|
|
|