|
Marion Angus (1865-1946) wis pairt of the pre-Second Warl War Scottish Renaissance alang we the likes of Hugh MacDiarmud, Violet Jacob, Alexander Gray and ithers. She scrievit in Scots bit her family ties tae Aiberdeen an the nor-east wis feirdy we baith her mither and fadder camin fae Aiberdeen an Marion hersel bidin lang in Cults.
|
"She was nothing if not original.... Even when her wit was mordant, she had a capacious and most generous heart...." 
|
The Fiddler |
|
Marion Emily Angus wis born in Sunderland in England on 27 March 1865. Her fadder, Henry Angus, wis a Presbyterian meenister fae the nor-east and her mither, Mary Jessie Watson wis the dother o William Watson fa hid bin Sheriff-Substitute o Aiberdeen atween 1829 and 1866 In 1876, Henry Angus wis appyntit as meenister o the Erskine United Free Church in Arbroath far he servit tae 1900. Marion wis skweeled it Arbroath High. She nivver wint on tae the varsity.
Marion scrievit a fictionalised diary (athoot her name) for the paper, the Arbroath Guide; it was caed The Diary of Arthur Ogilvie (1897–1898) and Christabel's Diary (1899), they were taen oot as a buik but nane hiv survivit. She also scrievit poetry. Efter her fadder deid in 1902, Marion an her sister Emily ran a private skweel fae their new hame in Cults outside Aiberdeen bit this closed it the ootbrak o the First Warl War fan she servit in an |
|
airmy canteen. They cam back tae Cults in 1920 an it wis efter es thit she startit tae publish her poetry. Bit, by 1930, Emily hid gotten affa nae weel an wis taen tae the Glasgow Royal Asylum. Marion flitted aboot placies aroon Glesgae tae be close tae far her sister. She cotinuet tae publish poetry bit wis gey short o siller an wis nae weel we depression hersel. Nan Shepherd hersel fae Cults wis a close freen o Marion it es time.
Nae muckle is kent aboot Marion fir the only suppie letters fit hiv cam doon tae 's is a pucklie tae Marie Campbell Ireland, a freen she hid made in 1930. They are aften richt tae the pint:
Nae muckle is kent aboot Marion fir the only suppie letters fit hiv cam doon tae 's is a pucklie tae Marie Campbell Ireland, a freen she hid made in 1930. They are aften richt tae the pint:
"I don't know that I care particularly for what is usually called 'cultivated people'. I found a more delicate and refined sympathy in my charwoman in Aberdeen than I did in any of my educated acquaintance." |
Marion Angus flitted back tae Arbroath in 1945 far she wis lookit efter be a femily servant, Williamina Sturrock Matthews, until she deid on 18 August 1946.
"A wee bookie poems bi Marion Angus (1865–1946) fell frae a library shelf, as if bi magic glamourie, at my feet. Her Scots tung heezed up ma hert. Her weirdfu, ghaistly verse, an her sparkie wit on the natur o time dirled ma heid. 'A thoosand years o clood and flame/An a' thing's the same and aye the same.' Whaun I read what some tattie scone had said aboot her: 'no life could be less conspicuous', I was scunnert. I did some delvin for masell, then wrote doon the richt wey o daen (the start o a selection o her work). That wasnae eneuch: I kent hoo she thocht aboot things frae whit she wrote and wantit mair o her spirit tae come though. Sae I traivelled her 'Tinker's Road' wi her, for some five years. Gey chancie, spookie things happened (whiles gied me the cauld creeps), but in the end I 'won ower the tap'." |
|
|
|
|
|
|
|
|
|
|
|